Синтетички витамини: да или не?

Настинката е доволна причина да купиме многу лекови и витамини од кои и немаме баш некаква корист. Синтетичките витамини се хемиска копија на природните, со разлика што во нив недостасува еден важен дел кој ни е многу потребен, а тоа е биоелектрицитетот (енергијата на храната која што се наоѓа во нејзиниот електрицитет).
Синтетичките витамини се недоволно корисни, понекогаш и штетни додека природните го подобруваат здравјето и имаат поразлична вредност од оние што се нудат во облик на хемиски производ. Затоа, наместо секојдневно да пиете витамински таблети, најважно е да ја подобрите исхраната т.е. да внесувате поголемо количество природни витамини.

Витамин А

Позитивното дејство на овој витамин е тоа што го стимулира природниот имунитет, го регулира крвниот притисок, придонесува за добар сон, го поттикнува растот на косата и ноктите, придонесува за подобар вид, штити од инфекции и разни проблеми поврзани со телесната тежина. Природен Витамин А се среќава во морковите, ротквиците, компирот, доматот, интегралните житарици, лукот и кромидот, сувото овошје, кајсиите, лимонот, портокалот, сирењето, растителното масло, медот и млечот.


Постојат опасности од прекумерно земање синтетички Витамин А. Хипевитаминозата со овој витамин предизвикува болки во главата и повраќање, сушење и перутање на кожата, пореметување на црниот дроб како и анорексија и губење на апетитот.

Витамини од групата Б

Во оваа група се вклучени Витамините Б1,Б2,Б3,Б6,Б12. Позитивното дејство на овие витамини се состои во тоа што тие ја стимулираат работата на срцето, црниот дроб и органите за варење, се борат против заморот и помагаат при производството на крвни зрнца и формира хемоглобин.


Витамините од оваа група се среќаваат во зелените делови на свежиот зеленчук, свежото овошје, сувото овошје, интегралниот ориз, кикиритките, оревите и јајцата. Од прекумерното консумирање на овој витамин може да настанат следниве опасности по здравјето: хипертензија, мачнина, црвенило на кожата и грчеви.

Витамин Ц

Доколку редовно и правилно го консумирате овој витамин најмногу влијаете врз зајакнувањето на вашиот имунитет. Покрај ова полезно дејство, внесот на Витаминот Ц влијае и врз зголемување на активноста на надбубрежната жлезда, штити од токсини кои ги има во чадот од цигари, се подобрува оксигенацијата и снабдувањето со олиго елементи и учествува во создавањето на прогестерон.

Природен Витамин Ц се среќава во црвената зелка, спанаќот, лукот, пиперката, лимонот, кивите, рибизлата, портокалот, медот и млечот. Доколку претерате со прекумерно консумирање на овој витамин може да ви се појават следниве несакани дејства: дијареа и пореметување на органите за варење, несоница, ја попречува апсорпцијата на бакар и цинк.

Витамин Д

Витаминот Д влијае врз растот на коските и дава цврстина на кожата.

Се наоѓа во маслиновото масло, зеленчукот и салатите, медот и млечот.

Треба да бидете внимателни при неговото внесување бидејќи доколку претерано го консумирате можете да го спречите дејството на Витамините А и Е, да го зголемите артерискиот притисок и да го намалите апетитот и да предизвикате мачнина и умор.

Витамин Е

Со редовното консумирање на овој витамин можете да го намалите стареењето на кожата, да ја подобрите плодноста и сексуалната рамнотежа и да ја регулирате функцијата на хипофизата и тироидната жлезда.

Витаминот Е се наоѓа во медот и млечот, во зелените салати, маслиновото масло и јајцата.

Негативните последици по здравјето доколку претерате со неговиот внес се следниве: пореметување во органите за варење, болка во главата и мачнина, пореметување на видот, вртоглавица и воспаление на усната празнина.

-авторски текст , не смее да се користи за комерцијални цели и/или реемитување-

Д-р Кристина И. Стојаноска - Алоска
Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!