Зошто Ви доцни?

0

 

Иако бременоста е најчестата причина за отсутен менструален циклус, многу пати кога им доцни менструацијата жените се сигурни дека не се бремени. Па, кои други состојби можат да предизвикаат доцнење или отсутно менструално крварење (аменореа)?

1. Дали доите?

Мајките кои дојат, често пати ќе имаат аменореа, иако овулацијата се уште е присутна и можно е забременување и покрај тоа што немаат менструација.

2. Дали чувствувате дека сте под голем стрес?

Емоционалниот стрес е уште една причина за отсутна менструација. Вообичаено, елиминирањето на стресот ќе го регулира менструалниот циклус.

3. Каков вид на лек употребувате во моментот?

Одредени лекови како контрацептивите, оралните кортикостероиди, антидепресиви, антипсихотици, лековите за регулирање на тироидната функција и некои хемотерапевтици можат да доведат до аменореа.

4. Дали сте ја провериле функцијата на Вашата тироидна жлезда?

Многу жени страдаат од недијагностицирана болест на тироидната жлезда.

5. Дали се храните здраво?

Жените кои се потхранети или се екстремно под нормалниот индекс на телесна маса можно е да имаат доцнење на менструацијата. Ова често се случува кај болните од анорексија или булимија.

6. Колку многу практикувате физичка активност? Дали танцувате или спортувате?

Енергичните вежби или атлетските тренинзи можат да предизвикаат аменореа.

7. Дали боледувате од хронична болест?

Ако имате некоја хронична болест или сте болни веќе подолг период, менструалниот циклус може привремено да задоцни. Тогаш кога ќе оздравите, циклусот ќе се врати во нормала.

8. Можеби имате хормонален дисбаланс?

Полицистичниот оваријален синдром е честа форма на хормонален дисбаланс која што може да предизвика аменореа.

 

9. Тумор на хипофиза

Иако ретко, туморот на хипофизата (вообичаено бениген тумор – пролактином) може да предизвика прекумерна продукција на пролактин со што се попречува нормалната регулација на менструалниот циклус.

*Ако менструалните циклуси се отсутни повеќе од 3 пати, а се уште не сте побарале професионален медицински совет, време е да побарате соодветна медицинска грижа за да се одреди причината која довела до тоа. Само квалификуван здравствен работник може да ја одреди причината за аменореата.

Во оваа смисла треба да обрнете внимание и на други симптоми и знаци, како што се:

  • Главоболки;
  • Губење на влакнетоста;
  • Промени во видот;
  • Исцедок од градите или продукција на млеко.

Докторот може да употреби разни тестови и техники за поставување на дијагнозата на аменореа.

Pretty young woman with arms raised standing on beach

Третман на аменореата

Начинот на кој аменореата се третира зависи од причината. Третманот може да биде едноставен, од типот на промени во животниот стил (исхрана, вежбање, намалување на стресот), до употребување на хормонска супституциона терапија, како и други соодветни лекови.

објавено на 2011-06-01

Д-р Памела Илиоска
Д-р Памела Илиоска е родена на 13.11.1985 год. Основното и средното образование го завршува во Македонски Брод. Дипломира на Медицинскиот Факултет во Скопје во 2010 година со среден просек 9.97. За време на средното образование учествува во бројни проекти, дебатни кампови и натпреварувања во организација на Младинскиот Образовен форум, School Connectivity Project и E-School Project. Меѓу нив посебно се издвојуваат: учеството на Интернационалниот конгрес на Southeast Europe School Connectivity Project во организација на Catholic Relief Services и едномесечниот престој на Towson University, Балтимор, Мериленд (јули, 2003), како дел од SEEYLI (The South East Europe Youth Leadership Institute)/ програма на американскиот Стејт департмент во соработка со Институтот Отворено Општество и IDEA. За време на студиите учествува на неколку семинари и конгреси, меѓу кои е и освоеното 3-то место на 31-от Интернационален Медицински Научен Конгрес за усна презентација на темата " The onset and prognosis of the hepatorenal syndrome". Во јули-август 2009 година остварува едномесечен престој на одделот за кардиологија на Првиот Карлов Универзитет во Прага, Р.Чешка. Во јануари 2011 год., во Белград, учествува на тренинг модулот за " Scientific writing and publishing" во рамките на проектот Focus-Balkans. -Овој интернет портал е пријатно освежување за интернет страниците потпишани од македонски креатори, кој несомнено изгледа како светските сајтови за e-health или е-medicine. Убаво е чувството кога гледате млади колеги кои се залагаат за промоција на здравствената култура во Македонија, зашто една од основните работи во животот е да се биде добро и навремено информиран. Уметноста на живеењето е во секој од нас, a секојдневна потреба е да се има образование со широки погледи. Затоа, читајте доктори.мк и не заборавајте да примените некој од многуте корисни совети ! :)